ᑖᒃᓰᑦ ᐱᔨᖅᑎᕋᖅᑏᑦ ᐊᑐᐃᓐᓇᐅᖏᓐᓇᖅᑐᑦ, ᐱᔨᖅᑎᕋᖅᑐᑎᒃ ᖃᖓᑕᕋᑖᖅᑐᓂᒃ ᓄᓇᕗᑦ ᓄᓇᓕᐸᐅᔭᖓᓂ ᐃᖏᕐᕋᔾᔪᑎᖃᑦᑎᐊᖏᓐᓂᖓᓂ ᑭᒃᑯᑐᐃᓐᓇᕐᓄᑦ, ᓇᒧᓐᖓᐅᔾᔨᔨᒋᔭᐅᓗᐊᖅᑐᑦ ᑖᒃᓰᑦ.

ᑖᒃᓰᑦ ᕿᓚᒥᑯᓗᒃ 2−ᒥᓂᔅᓯᐸᓗᒻᒥᑦ ᓇᒧᓐᖓᐅᔾᔨᓲᑦ ᐊᒻᒪ ᐊᑭᖃᖅᑐᓂ $9.50 ᐃᓄᒃ ᐊᑕᐅᓯᖅ ($8.00 ᐃᓐᓇᑐᖃᕐᓄᑦ).

ᖃᐅᔨᒪᔭᕆᐊᖃᖅᑐᑎᑦ ᐃᖃᓗᐃᑦ ᑖᒃᓯᖏᑦ ᐃᑭᒪᑎᑦᑎᕙᒻᒪᑕ ᐊᓯᖏᓐᓂ ᐃᓄᓐᓂᑦ, ᐊᒻᒪᓗ ᐅᐸᑦᑕᐅᕙᓪᓕᐊᔪᑦ ᖃᓂᓐᓂᖅᐹᑦ ᐅᐸᑦᑕᐅᖅᑳᓲᖑᔪᑦ.

ᑖᒃᓯ ᖃᐃᑦᑕᐅᑎᒋᖏᑉᐸᑦ, ᐅᖄᓚᐅᑎᖏᑦ ᐊᑐᐃᓐᓇᐅᔪᑦ ᐊᓂᕕᐅᑉ ᖃᓂᒋᔮᓂ.

ᓄᓇᓯᐅᑏᑦ ᐊᑐᖅᑐᐊᕋᑦᓴᑦ ᐊᑐᐃᓐᓇᐅᔪᑦ ᑭᓯᐊᓂ ᑭᓪᓕᖃᕐᒪᑕ ᐊᕕᒃᑐᓯᒪᔪᑦ ᓄᓇᓖᑦ ᐅᖓᓯᓐᓂᖏᓐᓄᑦ ᐊᒻᒪ ᒥᑭᓂᖅᓴᐅᓪᓗᑎᑦ ᐊᑐᖅᑐᐊᕈᒪᔪᑦ. ᖃᖓᑕᕋᑖᖅᑐᑦ ᓯᕗᓂᐊᒍᑦ ᐸᓐᓇᔅᓯᒪᔭᕆᐊᖃᖅᑐᑦ ᐊᑐᐃᓐᓇᐅᔪᓐᓇᖁᓪᓗᒋᑦ ᓄᓇᓯᐅᑏᑦ ᐊᒻᒪᓗ ᐊᑭᑭᓐᓂᖅᐹᓂᒃ ᐊᑭᓖᔪᒪᒍᕕᑦ.

ᐃᖃᓗᐃᑦ ᖃᖓᑕᓲᒃᑯᕕᖓ ᐱᑕᖃᖅᑎᑦᑎᔪᖅ ᓯᓚᒥ ᓄᓇᓯᐅᑎᓄᑦ ᓄᖅᑲᖓᕕᒻᒥ ᐃᓂᖃᖅᑐᖅ ᖃᖓᑕᓲᒃᑯᕕᐅᑉ ᓵᖓᓂ. 

ᐅᓇ ᐃᓂᖓ ᐊᐅᓚᖃᑦᑕᖅᑐᖅ ᐅᓪᓗᓕᒫᖅ ᐅᓐᓄᐊᓕᒫᖅ ᐊᒻᒪᓗ ᐱᖃᖅᑎᑦᑎᔪᖅ 100−ᐸᓗᓐᓂᒃ ᓄᓇᓯᐅᑎᓄᑦ ᐃᓂᒋᔭᐅᔪᓐᓇᖅᑐᓂᒃ ᐊᑯᓂᐅᖏᑐᒃᑯᑦ ᓄᖅᑲᖓᕕᐅᓂᐊᕐᓗᑎᑦ.

ᐅᓐᓄᐊᒃᑯᑦ ᓄᖅᑲᖓᕕᒃ ᐊᑐᐃᓐᓇᐅᖏᑦᑐᖅ.

ᐅᓇ ᓄᓇᓯᐅᑎᓄᑦ ᓄᖅᑲᖓᕖᑦ ᐋᖅᑭᑦᑕᐅᓯᒪᔪᖅ ᐱᕕᖃᖅᑎᖁᓪᓗᒋᑦ ᖃᖓᑕᓂᐊᖅᑐᑦ ᐊᔪᕈᑎᓕᓐᓄᑦ ᑎᒥᒻᒥᒍᑦ, ᐊᑐᐃᓐᓇᖃᖅᑎᑦᑎᔪᑦ ᐃᓂᒥᒃ ᖃᓂᒋᔮᓄᑦ ᖃᖓᓲᒃᑯᕕᐅᑉ ᐃᓯᖅᕕᖓᓄᑦ.